SPOEX er líknarfélag og var stofnað þann 15. nóvember 1972. Það starfrækir í dag skrifstofu og göngudeild fyrir fólk með húðsjúkdóma í eigin húsnæði að Bolholti 6 í Reykjavik. Á göngudeildinni, sem starfar undir eftitliti sérfræðings í húðsjúkdómum, er boðið upp á UVB ljósameðferð samkvæmt tilvísun frá húðsjúkdómalæknum. Hjá félaginu starfa skrifstofustjóri á skrifstofu og 2 sjúkraliðar með menntun á heilbrigðissviði á göngudeild.
Markmið félagsins er fyrst og fremst að gæta réttar sjúklinganna og stuðla að betra og ríkara lífi þeirra með fræðslustarfsemi og kynningu á sjúkdómunum.

Stjórn félagsins skipa 7 manns, þar af eru 2 varamenn og er öll vinna stjórnar unnin í sjálfboðavinnu. Jafnframt hafa margir félagsmenn og velunnarar vítt og breitt um landið lagt félaginu lið í gegnum tíðina.
Innan
Spoex er ungliðahreyfing sem kallast UngSpoex, stofnað í janúar árið 2016. UngSpoex er hugsað fyrir fólk á aldrinum 15-35 ára.

SPOEX er stofnaðili að alþjóðlegum samtökum IFPA og norrænum samtökum psoriasissjúklinga NordPso, þar sem psoriasisfélög á Norðurlöndum eiga aðild að. Samstarfið við félagadeildir innan þessara stofnana er í mörgum tilfellum náið, einkum meðal félaga norrænu samtakanna.