Stjórn Spoex hefur ákveðið að áheit sem safnast í Reykjavíkurmaraþoni 22. ágúst 2015 renni í Vísindasjóð Spoex. Vísindasjóðurinn var stofnaður fyrir 10 árum og er tilgangur hans að efla rannsóknir á psoriasis- og exemsjúkdómum á Íslandi. Ekki hefur verið veitt úr sjóðnum þar sem enn er verið að safna í höfuðstól. Veittir verða styrkir af vöxtum af höfuðstól, þegar höfuðstóll hefur náð 10 milljónum króna.

Vel gekk að safna í vísindasjóðinn fyrstu árin en lítið hefur bæst í hann undanfarin ár og því blásum við til sóknar nú og skorum á fólk að heita á hlauparana okkar svo við náum settu marki sem fyrst, saman.

Í dag, 22. júní 2015 eru 60 dagar í hlaup og átta hlauparar hafa skráð sig til leiks í nafni Spoex, sem hægt er að heita á.

Hér má finna hlauparana okkar og gefa áheit:

http://www.hlaupastyrkur.is/godgerdafelog/felag/6801770239

Hér má finna stofnskrá Vísindasjóðs Spoex:

http://stjornartidindi.is/Advert.aspx?ID=2537e633-346c-4fcf-a223-982346797bc2

Við minnum á að sumartími göngudeildar í Bolholti 6 hefur tekið gildi.

Opið er mánud.-fimmtu. kl. 10-17 en óbreytt á föstudögum kl. 9:30-16:30.

Þessi vika er stutt, lokað er 17. júní og frá kl. 12 föstudag, 19. júní vegna hátíðarhalda í tilefni 100 ára kosningaafmælis kvenna.

Það verður opið í allt sumar OG alla virka daga á göngudeild Spoex í Bolholti 6. Við ætlum þó að færa opnunartímann til mánudaga til fimmtudaga en halda sama tíma á föstudögum.

Sumartíminn verður 15. júní – 14. ágúst sem hér segir:

Mánud.-fimmtudaga kl. 10-17

Föstudaga kl. 9:30-16:30.

Gleðilegt sumar!

Stjórn og starfsfólk Spoex.

Spoex stendur fyrir húðvörukynningum í Bolholti 6 á næstunni. Næsta kynning er í dag, miðvikudaginn 3. júní kl. 15-17, þegar Elísabet kynnir Salcura vörur, sprey og áburði. Verið öll velkomin.

http://www.gengurvel.is/is/vorur/viewProductGroup/26